CAPA/TRACKLIST

Letra : Bawat Gabi

dumidilim na ang langit
at dahan-dahang pumapait

bawat pagsilip ng buwan at mga tala
luha'y kailan ba titila?
sa paghawi ng hangin sa mga ulap
‘di alintanang pag-ibig ay magwawakas.

bawat gabi ika'y aking hinahanap
kailan kaya? ikaw ba'y magbabalik
sa tuwing gabi sana ika'y makapiling
tanging hiling na makasama ka bawat gabi.

lumalamig na ang hangin
naiinip sa tadhanang pumihit

bawat paglipas ng buwan at mga taon
sa puso't isip ay nakabaon
kailan magkakaroon ng pagkakataon?

lungkot ng takipsilim ay mawawala.

bawat gabi ika'y aking hinahanap
kailan kaya? ikaw ba'y magbabalik
sa tuwing gabi sana ika'y makapiling
tanging hiling na makasama ka bawat gabi.

nakaukit sa puso ang pait
na ‘di makalimutan ang sakit
mga paghihirap na naranasan
kaligayahan ba'y kailan makakamtan?

bawat gabi ika'y aking hinahanap
kailan kaya? ikaw ba'y magbabalik
sa tuwing gabi sana ika'y makapiling
tanging hiling na makasama ka bawat gabi.