CORRECTAR LA LETRA

Letra : Nakhyatra (Assamese)

{Verse 1: Shankuraj Konwar}

এধানমানি মৰমৰে ভাৰ কিমান
জুখিব কোনে?
সুপ্ত নয়নৰে গুপুত অভিমান
বুজাব কোনে?

স্মৃতিকোমোল বালিচাপৰিত সময়
শিশু হৈ খেলে
সাধুকথা উহনি হৈ ওমলে

{Pre-Chorus 1 : Shankuraj Konwar}

এজাক ৰুদ্ৰ বতাহে পাৰ ভাঙে
উটুৱাই প্ৰাণ বাৰুদৰ গানে
এখনি ক্লান্ত নদীৰ সীমনাত হাঁহাকাৰ
এখনি ক্লান্ত নদীৰ সীমনাত হাঁহাকাৰ

{Chorus: Shankuraj Konwar}

পুৱতি নিশাৰ আকাশত গিলি জোন
জিলিকিছে নক্ষত্ৰ
সাৱতি অলেখ তৰালিৰ বৰষুণ
সোঁৱৰণি নিচিদ্ৰ
এটি-দুটি ক্ষণ গুঠি ফুলে মালতী
সৰি পৰে নক্ষত্ৰ
দাদা তই কোন দিশে হেৰুৱালি বাট
হেৰুৱালি অস্তিত্ব?
{Verse 2: Shankuraj Konwar}

এচেৰেঙা কোমল ৰ'দালিৰ পৰশ
সমাধিৰ ভূষণ
প্ৰতিধ্বনিৰ কোলাত আবেলি অলস

মানৱতা হেৰুৱা এই পৃথিৱীত
দানৱৰ শোষণ
স্বপ্নহীনতাতে ভুগিছে সময়

{Pre-Chorus 2 : Shankuraj Konwar}

সামৰি উত্ৰাৱল সাগৰ মৰুভূমি
শোণিতৰ ৰাঙলী ৰহণ চুমি
বিচাৰো শান্তিৰ এহালি বনৰীয়া পখী
বিচাৰো শান্তিৰ এহালি বনৰীয়া পখী

{Chorus: Shankuraj Konwar}

পুৱতি নিশাৰ আকাশত গিলি জোন
জিলিকিছে নক্ষত্ৰ
সাৱতি অলেখ তৰালিৰ বৰষুণ
সোঁৱৰণি নিচিদ্ৰ
এটি-দুটি ক্ষণ গুঠি ফুলে মালতী
সৰি পৰে নক্ষত্ৰ
দাদা তই কোন দিশে হেৰুৱালি বাট
হেৰুৱালি অস্তিত্ব?