Lyrics Alech Mafikch Enia | علاش ما فيكش النية by Kamel Messaoudi كمال مسعودي

"كلمات كمال مسعودي "علاش ما فيكش النية
اضغط هنا لقراءة المزيد من كلمات وقصائد الشعبي الجزائري

علاش ما فيكش النية يا العدرة الهواوية
بركاك من الجفا يا خد المشموم
لوكان ما دريتك ليا عمري ما نكون في سجنك محكوم
لوكان ما دريتك ليا عمري ما نكون في سجنك محكوم

عندك شي نظرة مذبلة وانت بالحيلة معولة
خليتي ذاتي مهولة نخمم كل يوم
ترمي في الشبكة مخبلة في بحرك شحال غامقة
عندك عقلية مقلقة وسلاحك مفهوم
واقيلة راكي فايقة، آ لعلجة كلثوم

علاش ما فيكش النية يا العدرة الهواوية
بركاك من الجفا يا خد المشموم
لوكان ما دريتك ليا عمري ما نكون في سجنك محكوم
لوكان ما دريتك ليا عمري ما نكون في سجنك محكوم

قريتي فالحيلة معلمة وحسبتي روحك فاهمة
وانتيا راكي ظالمة وطاح بيك السلوم
يا العذرة راكي ظالمةّ انتي الّي تولي نادمة
والنسوان عليك شاهدة، علاش رايك مشوم
واقيلة راكي فايقة، آ لعلجة كلثوم
علاش ما فيكش النية يا العدرة الهواوية
بركاك من الجفا يا خد المشموم
لوكان ما دريتك ليا عمري ما نكون في سجنك محكوم
لوكان ما دريتك ليا عمري ما نكون في سجنك محكوم

عيب عليك كنت مربية، رجعتي بالحيلة مخبية
كويتيني بالنار حامية، راني مريض ليوم
آش جرالك يا الباهية بعدما كنتي مهنية
في مقصودك واش ناوية وقصدك راه يعوم
على نفسك راكي شاهدة هذ الشي ما يدوم

علاش ما فيكش النية يا العدرة الهواوية
بركاك من الجفا يا خد المشموم
لوكان ما دريتك ليا عمري ما نكون في سجنك محكوم
لوكان ما دريتك ليا عمري ما نكون في سجنك محكوم

نمتك في منامي ملحفة، مزروبة ولا خايفة
لابسة حايك جديد تاحفة وعجار المرقوم
تضوي كي الشمعة الواقفة، حبك في قلبي ما طفى
يا الغزالة وين رايحة اديني معاك نهوم
الّي ما عشق، ما شاف، ما بكى، ما عليه حتى لوم

علاش ما فيكش النية يا العدرة الهواوية
بركاك من الجفا يا خد المشموم
لوكان ما دريتك ليا عمري ما نكون في سجنك محكوم
لوكان ما دريتك ليا عمري ما نكون في سجنك محكوم
لوكان ما دريتك ليا عمري ما نكون في سجنك محكوم
لوكان ما دريتك ليا عمري ما نكون في سجنك محكوم