Correction Paroles Masdan mo ang kapaligiran par Freddie Aguilar

Retour

Paroles

Wala ka bang napapansin
Sa iyong mga kapaligiran
'Kay dumi na ng hangin
Pati na ang mga ilog natin

Hindi na masama ang pag-unlad
At malayu-layo na rin ang ating narating
Ngunit masdan mo ang tubig sa dagat
Dati'y kulay asul ngayo'y naging itim

Ang mga duming ating ikinalat sa hangin
Sa langit 'wag na nating paabutin
Upang kung tayo'y pumanaw man
Sariwang hangin sa langit natin mat**ikman

Mayro'n lang akong hinihiling
Sa aking pagpanaw sana ay tag-ulan
Gitara ko ay aking dadalhin
Upang sa ulap na lang tayo magkantahan

Ang mga batang ngayon lang isinilang
May hangin pa kayang mat**ikman
May mga puno pa kaya silang aakyatin
May mga ilog pa kayang lalanguyan

Bakit 'di natin pag-isipan
Ang nangyayari sa ating kapaligiran
Hindi nga masama ang pag-unlad
Kung hindi nakakasira ng kalikasan
Darating ang panahon
Mga ibong gala ay wala nang madadapuan
Masdan mo ang mga punong dati ay kay tatag
Ngayo'y namamatay dahil sa 'ting kalokohan

Lahat ng bagay na narito sa lupa
Biyayang galing sa Diyos kahit noong ika'y wala pa
Ingatan natin at 'wag nang sirain pa
'Pagkat 'pag kanyang binawi tayo'y mawawala na

Mayro'n lang akong hinihiling
Sa aking pagpanaw sana ay tag-ulan
Gitara ko ay aking dadalhin
Upang sa ulap na lang tayo magkantahan
Gitara ko ay aking dadalhin
Upang sa ulap na lang tayo magkantahan

clip

Ton pseudo sera publié. Laisses les champs vide pour rester anonyme.