corrija a letra Letra Etba3ny | إتبعني por YouseF JoKer يوسف جوكر

Retornar

Letra

تعالي معايا ، حتي لو كارهني مش مهم
معتقدش كرهك ليا زي كرهك للدم
اخرج من حضن ماما ، البس لبس الشهامة
سيب الفيلم الاجنبي وانزل شارك في الدراما
خايف يشوفوا في ايدك مصحف عشان
لو شافوك هتخش نفس عنبر الاخوان
بتحلق دقنك لكن وانت مش مقتنع
متدخلش القسم بمصحف احسنلك خش في إدمان
نفسوا يكون تعبان عشان الاسعاف تجيلوا
لإنه لو تمام الحكومة اللي هتجيلوا
شايفنا رخاص نستاهل الضرب
علي الحدود دمنا ضمن مخلفات الحرب
حاسبين الشهداء ، من صفوف الاعداء
بقينا نحسد الجن علي وضعية الاختفاء
لكل شاب مصري شهادتين إلزاماّ
فيهم واحده خريج كماين ، قسم الاهانة

اللي ماتوا عشانك مش قليلين
ماتوا عشان تعيش انت بالقوانين
احنا بيقتلنا خوفك من الطاغوت
هما خافوا من الله وانت خوفت من السفاحين
كل ما المدافع تكتر ، يقل عدد اللي مابيخافش
بخاطب اللي لسه يقدر
يقول الحق في وش طاغي مبيرحمش

بعترف إني النهارده مش زي اي يوم
مستغرب من الخوف ، سكران من الهموم
نفسي اوصل الكلام لمسؤلين الدنيا
فجروني بدانه ومش هعترض ثانية
رئيس مباحث القسم الفلاني سعادة البيه
راكب عربية تمنها تلاتة مليون جنية
وده مش حقد ولو حقد مش جريمة
لإن ضرايبي هيا اللي بتصرف ع المدينة
انت اللي بتحميني بمقابل ما بتقبض مني
متبصليش بقرف مترفعش سلاح في وشي
مش بخاطبكم انتوا بخاطب رئيسكوا
جواكوا كره ليا كأني ضاربكم علي طيازكوا
انا ابن عاش مع مستقبل من غير أب
بتعاملني أقل مانا بعامل الكلب
البوليس بيحمينا من الاشرار
خخ اتفو علي كليوباترا عشان عيون السيجار

الكرباج مجاش عليك عشان إنت في حضن ماما
وماما بتفرجك علي إعلام الكوكو واوا
بتعوم في شرم الشيخ ، شغال علي حس بابا
بتغير رأيك لكن برضوا في صالح العصابة
ياصاحبي انا طلع ديـ* امي انا وصاحبي
تلاتة إستمرار والتهمة إني ماشي براحتي
مش هتصدقني ولو صدقت مش هتحس بيا
لإن وانا في النار كنت انت بتغطس في المية
عارف ! هقولك حاجة حصلت فعلا
كان بيشتمونا اكتر ما الاذان بيدن
في الحياة بنعافر ، بنشد النفس بالعافية
وانت في البلالا لسه شايف السما صافية
مش بضايقك ولا ياصاحبي بايعك
انا بس عايزك بالعقل تراجع رأيك
انا مش بحقد عليك عشان ابوك اغني من ابونا
الغني غني النفس واصحي عشان بيغفلونا

vídeo de música

Seu nome será publicado. Deixe os campos em branco para permanecer anônimo.