corrija a letra Letra Marwan Moussa - Zahab w 3awda | مروان موسى - ذهاب وعودة por Marwan Moussa

Retornar

Letra

اطرافي نملت من البرد مش باترعش
مستني خبر حلو، مستني خبر وحش
وجايلي احساس ان دي نهاية الفصل
مستني السما تعيط
مستني جنب النهر

مستني الخبطة ولأ مليش في علم الغيب
مستني الخبطة ومش بإيدي شيء
ناس مستنياني اديهم حاجة مش عندهم
في راسي مينا مليانة سفن

الرجولة مش هواية
ناس مستنياني اديهم حاجة مش جوايا
لحد امتى تنكر؟
لما الحيطان تضيق وستارة المسرح تنزل؟

بلبس الساعة في ايدي الشمال
بلبسها للشكل، مش فارقلي الساعة كام
بلاش تكلمونا، بلاش تعلمونا
هانمسح المعلومة، دماغ مفهاش مرونة

خدنا الطريق في مينيت
ذهاب وعودة في مينيت
ذهاب وعودة ولسه فيش اي حاجة اتحسنت

إدي الحاجات وقتها
إدي العيش لخبازه
فين الأبطال؟
فين التكافؤ؟

فين المنافسة؟ بسلّك بيها سناني
العالي يقعد بس مع العالي
برمي الشبك وارضى بالرزق في نهاية السنة
خايف رجلي تركب الهوا تهد اللي اتبنى

شايفينها سبق… انا شايفها رواية
بتغير الألوان، بغير الزوايا
أعملها انا معاك ماتقدرش تعملها معايا
باصص في الخريطة ومش لاقي نقطة بداية

عنينا ياما شافت
العضم هنا ناشف
غطّسنا الهموم في بحر مالح
باشت

إيه العمل؟
نتفادى الوحدة بأي ثمن
ماشي عكسي في دماغي يمكن يرجع الزمن

وتاني نكنسل على الواقع لما ينادي
تمانية في المية وضباب في الصدر ليلاتي
من غير المسكن بابدأ اسرح في البلاوي
محكمة في الجمجمة أنا القاضي وانا المحامي

ذهاب وعودة وانا لسه واقف
في الجيوب بواكي
في العيون كواكب
في الدماغ تردد
في الطريق حواجز
في المجال أوائل

اطرافي نملت من البرد مش باترعش
مستني خبر حلو، مستني خبر وحش
وجايلي احساس ان دي نهاية الفصل
مستني السما تعيط
مستني جنب النهر

مستني الخبطة ولأ مليش في علم الغيب
مستني الخبطة ومش بإيدي شيء
ناس مستنياني اديهم حاجة مش عندهم
في راسي مينا مليانة سفن

الرجولة مش هواية
ناس مستنياني اديهم حاجة مش جوايا
لحد امتى تنكر؟
لما الحيطان تضيق وستارة المسرح تنزل؟

vídeo de música

Seu nome será publicado. Deixe os campos em branco para permanecer anônimo.