corrija a letra Letra Klash | رسالة إلى الغالي por Klash

Retornar

Letra

هذي الرساله عارف انها ما راح تكون مسموعه
لصاحب الشان اللي كنت انا انتظر رجوعه

على أمل اخفف من الآام روحي الموجوعه
لو جا قدر الله .. محد يقدر يرد وقوعه

آمنت بالله .. وبالوالدين احسان
قبل التحية اخترتها لسطوري عنوان

سلام يا والد .. كيف حالك ؟ عساك شفت النعيم ؟؟
ما نسيتك كل يوم ادعي لك في النعيم تقيم

تسأل عن حالي ؟ طيب .. بس شينه فقدتك
امي تحكيني عنك زادت قلبي محبتك

كانو يقولوا انك مسافر .. طويلة رحلتك
عشان انام وانا صغير .. كنت اشم مخدتك

واتأمل صورتك وجوارحك
وفي الزحام اطالع في وجوه الناس اقارنها بملامحك

على امل اني اصادفك في اي تاره
واجيبك البيت معي وازف لاهلي البشاره
كان لما يدق جرس الدار .. اجري واسوي لويه
اسابق اخواني في بالي اقول ممكن يطلع ابويه

ههه .. هذي احلام الاطفال
ضحكت يالغالي ..ولدك كان واسع الخيال

الغالي اللي نحبه .. والجناح اللي محتوينا جنبه
الأمان لنا في قربه .. مكانا قلبه

.. الله يحفظك يا بابا

ابتي لله دره .. عسى ربي يطولنا في عمره
تاج الراس كيف ما نبره .. ما نخالف أمره

..الله يحفظك يا بابا

اول يوم في الدراسه .. اولى ابتدائي
في ظهري شنطتي وامي لبستني ردائي

على باب المدرسه كان هناك معلمين
ابن يقبل اليدين واب يقبل الجبين
ابشرك صرت افك الخط واعرف الالف باء
علومني ديني والتوحيد .. وعندي اصدقاء

بس اللي كنت ما احبه واعتبره منهم غباء
لما يطلبوا مني حضورك مجلس الآباء

ما علينا .. خلصت الدراسه واخذت الشهاده
فرحت امي فيني واخوتي غمرتهم السعاده

شقيت طريقي وحدي كنت اصارع الامواج
أمي علمتني في الدنيا غير الله لاتحتاج

خيرك سابق ومغطينا .. حتى وانت تحت الارض
بس لابد اكد بنفسي .. امان من اي قرض

اشتغلت في اربع وظايف بدال الوظيفه
رواتب قليلة .. وانا عالي عندي السقيفه

نجحت في مجالي .. اصبحت جده تعرفني
صار ليا صيت .. وناسي تحبني وتدعمني

ولو ان اعدائي كثار .. يتمنوا لي الرداءه
لاتخاف عليا .. ولدك كاسر عيون اعدائه

الغالي اللي نحبه .. والجناح اللي محتوينا جنبه
الأمان لنا في قربه .. مكانا قلبه

.. الله يحفظك يا بابا

ابتي لله دره .. عسى ربي يطولنا في عمره
تاج الراس كيف ما نبره .. ما نخالف أمره

..الله يحفظك يا بابا

ما طولت معايه .. بس لك في بالي ذكريات
تخصني معاك .. ما انساها حتى الممات

كأنها ومضات ، تمر في بالي وتروح
لكنها رغم الضبابية تسعد لي الروح

اسأل عنك المعارف .. بالطيب يذكروك
يذكرون ادق تفاصيلك لليوم ما ينسوك

اسمع من الأقارب واصحابك اللي يحبوك
انت اكثر واحد من بين اخوانك تشبه ابوك

يالا فخري العظيم .. لما اسمع ذي العباره
ماهي فقط تشريف .. هي لي تكليف وجدارة

بقدر الاستطاعة اني امشي على خطاك
انت خليت كل من عاشرك يدعي لمن رباك

واذا انجمعوا الناس ليوم شهق الانفاس
اسأل الله ان تكون مرفوع الهامه والراس

ابيض الوجه تنزف للجنه زف الاعراس
ّسندس اللبوس .. على الارائك جلاس

وانا بسعى في الدنيا انّ اعمل الصالح الزين
واصبر فيها ، على قسوةّ البعد البين

عسى يشفع لي عند الله .. مُحمّد النبي
وعند حوضه يا أبي أشوفك شوفة العين

الغالي اللي نحبه .. والجناح اللي محتوينا جنبه
الأمان لنا في قربه .. مكانا قلبه

.. الله يحفظك يا بابا

ابتي لله دره .. عسى ربي يطولنا في عمره
تاج الراس كيف ما نبره .. ما نخالف أمره

.. الله يحفظك يا بابا

vídeo de música

Seu nome será publicado. Deixe os campos em branco para permanecer anônimo.