corrija a letra Letra Kanto por la Kampul’ por Georges Brassens

Retornar

Letra

Por vi, kampul', jen ĉi kanzon'
Jes, por vi, kiu sen admon'
Per lignofask' provizis min
Dum frostis en mia anim'

Fajron al mi vi donis dum
Burĝo, burĝin' de l' komunum'
Homoj de l' bonkorula kast'
La pordon repuŝis kun drast'

Ĝi estis nur malgranda ard'
Sed ĝi kun dolĉ' varmigis min
Kaj plu ĝi brulas en l' anim'
Simile al festa fajrad'

Ho vi, kampul', post via mort'
La tombfosist' per tuta fort'
Portu vin tra l' vasta ĉiel'
Al l' eterna cel'
Vi, dommastrin', jen ĉi kanzon'
Jes, por vi, kiu sen admon'
Panon prezentis pro kompat'
Dum min traturmentis malsat'

Ŝrankon jen vi malfermis dum
Burĝo, burĝin' de l' komunum'
Homoj de l' bonkorula kast'
Amuzis sin pro mia fast'

Estis ĝi nur pano kun ben'
Sed ĝi kun dolĉ' varmigis min
Kaj plu ĝi brulas en l' anim'
Simile al granda festen'

Vi, dommastrin', post via mort'
La tombfosist' per tuta fort'
Portu vin tra l' vasta ĉiel'
Al l' eterna cel'

Por vi, fremdul', jen ĉi kanzon'
Jes, por vi, kiu sеn admon'
Al mi ridetis kvazaŭ frat'
Min trenis ĝendarmoj sur strat'
Ĉar nur vi nе aplaŭdis dum
Burĝo, burĝin' de l' komunum'
Homoj de l' bonkorula kast'
Ridegis pro tiu ĉi kapt'

Ĝi estis nur kvazaŭ miel'
Sed ĝi kun dolĉ' varmigis min
Kaj plu ĝi brulas en l' anim'
Simile al suna ĉiel'

Kaj vi, fremdul', post via mort'
La tombfosist' per tuta fort'
Portu vin tra l' vasta ĉiel'
Al l' eterna cel'

Kaj vi, fremdul', post via mort'
La tombfosist' per tuta fort'
Portu vin tra l' vasta ĉiel'
Al l' eterna cel'

vídeo de música

Seu nome será publicado. Deixe os campos em branco para permanecer anônimo.