corrija a letra Letra Ana Mesh Ader | أنا مش قادر por Cairokee

Retornar

Letra

علمونا في المدارس جملة بتقول العلم نور
كتبوها على الجدران ومن برة المدرسة على السور
والسور كناية عن حجب الرؤيا من البداية
من برة بيقول حكم وجوة كدب مالوش نهاية
فقدت الجملة معناها ومغزاها
حالها كحال المناهج حفظناها وما فهمناها

أنا مش قادر، أعيد أيامي
أنا مش قادر، أفضل في مكاني
أنا مش قادر، أعيد أيامي
أنا مش قادر، أفضل في مكاني

واقف في طابور بين الجماهير
مستني دور في مسرح كبير
بحيي العالم وبقول يا بلادي
ومن قلبي بصرخ وبنادي
يا بلادي أنا فين أكون
أنا خايف من بكرة المجنون
علموني وعيشوني في تاريخ بعيد في فعل كان
ولوحدي سابوني ورموني للمستقبل والأيام
وإختاروا طريقي وربطوا إيدي
وخلوا العلم ظلام
أنا مش قادر، أعيد أيامي
أنا مش قادر، أفضل في مكاني
أنا مش قادر، أعيد أيامي
أنا مش قادر، أفضل في مكاني

تحكم عليا إزاي وتقولي كم عمرك
دا أنا عشت يوم بسنين يساوي طول عمرك
صبري مفتاحه إنكسر عدلك بقى شئ من الأثر
والحقيقة إن حلمي عن عالمكم إنفصل
هو الحق كدا دايماً غاوي نكد
غاوي يقول بلاوي ويفضح في اللي سكت
إمسك يوم لسانك يبقى الإسم باطل
أوعى تسيب مكانك مين للحق فاضل

أنا مش قادر، أعيد أيامي
أنا مش قادر، أفضل في مكاني
أنا مش قادر، أعيد أيامي
أنا مش قادر، أفضل في مكاني

vídeo de música

Seu nome será publicado. Deixe os campos em branco para permanecer anônimo.