Correction Paroles Ibqi Iftkrini | ابقى افتكرينى par El Joker الجوكر

Retour

Paroles

إبقي افتكريني، مقصدتش إنك تكرهيني
لكني منفعكيش، مقولتش مش هتنفعيني
أكتر إنسانة، لقيتها وقت الحاجة
بتقولي إحرقني، لو كان رمادي علاجك
كان كل حلمك، أعملك أغنية بتحمل اسمك
لكني أغلي سطر كتبته أبخس من ضفر رجلك
ابعدي هتتعودي، على بعدي لكن ثقي
إن إنتي أشرف فصل عالإطلاق فـ فصول قصتي
ده أنا بعدك حتى، معرفتش ألاقي فـ واحدة ملجا
ألجأ إليه، حضنك قبلة قلة حيلتي الثابتة
ده اللي شايله جوه مني ليكي مش مجرد
حب معرض، إني فـ لحظة فيه أفرط
أنا اللي شايله ليكي فـ قلبي شعور أبوه بحت
ومش هكدب عليكي لما بعدتك عني ارتحت
عشان بـ سوئي قابلت كل حسنة فيا بتعمليها
عشت وشفت القطة بتاكل عيالها عشان تحميها

سبب وداعنا، مش أكبر من إحساس جمعنا
لكن في البعد عبرة تدي للي بيننا معنى
سبتك لإني، أنا اللي هتبقي أم لأبني
لازم استاهلها قبل ما هي تستاهلني
سبب وداعنا، مش أكبر من إحساس جمعنا
لكن في البعد عبرة تدي للي بيننا معنى
سبتك لإني، أنا اللي هتبقي أم لأبني
لازم استاهلها قبل ما هي تستاهلني
عشتي معايا مـ البداية الانفصام بمراحله
كان نفسي أشوف أحمد فـ الزفة جنبك كنت أفرحله
لكن جوكر كسب، فـ اللي باقي فـ أحمد بعد
لأجل ما يمنع جوكر إنه يكون سبب نزول دمعتك
والمشكلة، إن أنا وصلت لحد هنا
بـ مساعدة منكم انتوا بعد مساعدة من ربنا
لكن وصولي، زائد تصقيف جمهوري، أكدولي
إن جوكر قادر يرد للزمن قلم إدهولي
قلت هكون أحمد معاكوا جوكر معاهم حصل
نسبة خطأ، خرج جوكر من ساعتها عن السيطرة
فـ صدقيني، بعدي كان عشان أحميكي
مش ببرر الغلط لنفسي لكن عشمان فيكي تسامحيني
لو حتي بـ اعتبار، إني لما لقيتني نار
اخترت بعدي عنك لأجل ميصيبكش أضرار
واترميت، فـ حضن ناس منهم قسيت
الطيبون للطيبات فـ مستحيل يجمع ما بينا بيت

clip

Ton pseudo sera publié. Laisses les champs vide pour rester anonyme.