Correction Lyrics Hymn to Gentrification - شارع يافا by Faraj Suleiman

Back

Lyrics

وين بدك ايانا نسكن
بعرف إنه البيت قديم
وشايف عيونك حزينة
بس أنا شو بقدر أعمل
قدّام الوحش العظيم
عم بنهش بطن المدينة

(1)
مين قال إنه الشوارع راح تضلا نفس الإشي
مين قال إنه المدينة بعدها بتنقطع مشي
مين قال إنه الحارات بعدها لعبتنا البريئة
مين سرق منّا الطبيعة وقلّنا حافظوا ع البيئة

مين حط السوق في مول
مين طلّعنا من لبيوت؟
مين قسّمها ومين أجّرنا
ستوديو أصغر من تابوت؟

مين أجا من تل أبيب؟
قصدي، مين أجا من بولندا؟
مين عمّر ابراج قزاز
وإحنا هدلنا البرندة؟

(2)
مين صار يبيع المجدّرة ع اساس وجبة چورميه
لي صحن الحمص بثلاثين وما حداش سائل ليه
وين الدكاكين البسيطة ليش كلشي لازمه كونسپت
ليش ضروري ان الفواكه تضلّا كل السنة تنبت
مين محانا من القصّة
مين جدّد سوق العُتَق
مين دخّن البترول
ونفّخ غيوم القلق

مين حفّر الجبل
مين هدّ وادي الصليب
مين عسكر البحر
وبدور الناس سكَّن غريب

(3)
بدهن أترك الحارة ويفتحوا مطرح بيتي بار
يدهنوا كل الشارع أشقر يخفوا ألوان السمار
مخبز عمي تحوّل غاليري قال أجواءه اوثنتيك
وان حطك راس المال براسه فش ولا حدا بحميك

مين عربد على الناس
هجّم كلاب الأمن
مين هدد الأبو
ودبّر وظيفة للإبن

مين دفع حقّ الحنين
مين شرى منّا الأمان
مين فركش الأمل
مين سرق عمر المكان

music video

Your name will be published. Leave fields blanks to remain anonymous.