Correction Lyrics Kol Zaman | كل زمان by Ahmed Mekky

Back

Lyrics

يا ليل

بعمل سيرش على اليوتيوب، بكتب جدعان راب
لقيت بنت سابت كومنت إسمها كول ماهيتاب
قالتلي مكي مش هتصدق لما سمعنا الأغنية
"Yo yo, what's up" تيتة قامت قالت
بس ماما كان ليها رد فعل تاني وباعتة عتاب
لما سمعت منها شوية، سرحت صرخت يومكو هباب
فين أيام فريد أو شادية والست وموسيقار الأجيال
"ولا حليم وطلال مداح وفايزة في "قلبي إليك ميال
مش هنكر مدى عظمتهم وزمانهم دا بجد جميل
حتى إحنا بنتعلم منهم إزاي يبقى الفن أصيل
كل زمان بيكون له أدان وكل أوان بيكون له فنون
"تخيل لو داخل على واحدة وبتقولها "يا زيزفون
وصَدَقيني وماسك وردة وفارق شعرك والبابيون
يعمل كدا في الأربعينات، تاكل جدًا ويجيب جون
تلقى البت تأڤور ترعش وتقول بينا على المأذون
بس في الألفية التالتة عليك هتشد البنت سيفون
ماهي، إسألي مامتك هتقولك على اللي إتقال في ظهور عدوية
قالوا ساعتها دا هابط هابط، بقى ملك الغنوة الشعبية
وأنا بتكلم لغة الشارع لو ألفاظي دي شوارعية
عايزك تعرفي إني براب وماليش دعوة بالأغنية

كل زمان
كل زمان وله أدان
كل زمان وله أدان
كل زمان
كل زمان وله أدان
كل زمان وله أدان

لا أنا بتقطع شوق وعذاب وييجوا يرشوا عليا الميه

ولا على الخضرة كمان بتمرمغ ولا بتنحنح في الأغنية
ولا بدلع ولا بتمرقع ولا الكاميرا تجيب رجليا
ولا نفخت وحطيت سيلكون ولا كبرت في... شوية
ولا بتريق أنا على بلدي أو على ناسها وأقول حرية
ولساني كمان مش معووج بتكلم بطريقة عادية
مش زي الراب الموجود في كتير منه بلكنة غبية

الملوخية مية مية ويا سلام لو بالتقلية
شهية شهية وهي دي القضية
أنا ناو مجرم فحت ومش بقلد الأمريكان
مسقط بنطلوني وكل البوكسر بان

كل زمان
كل زمان وله أدان
كل زمان وله أدان
كل زمان
كل زمان وله أدان
كل زمان وله أدان
مدرسة المشاغبين قابلوا ساعتها معارضة قوية
قالوا دي تافهة ومش فاهمين وعملوا عليها بجد قضية
وأهو دلوقتي وبعد سنين في تراث المسرح وهمية
قولي يا طنط لو أنا غلطان ممكن أجيبلك أمثال تانية
بس الأول هشكر نقدك أصل كلامك أثر فيا
في اللي بينقد نقد بجد دا على راسي ومية المية
وفي اللي يسب ويشتم فيا، دا مش ناقد لا نفسية

الله يرحمك يا دبور، يا ترى لو كنت عايش كنت هترد و تقول إيه

(Yo yo yo)
من الأخر مهما هكون مش هعجب برضه شوية
وهيطلع كام مليون يقولوا عني دا [بيضة] مقلية
يشهد جحا ويا حماره واللي بيحصل حاجة عادية
ومثلي الأعلى بقى هيكون شاب ديليڤري عزيمته قوية
لابس خوذة وراكب فيسبا ولا بيخاف تخبطه عربية
ولا بيهمه كلاب الشارع بس يوصلكوا طلبية
وأنا هعمل كدا بمحبة وهكمل والناس حواليا
حاجة أخيرة أنا عايز أقولها للي شتموا أظن لذيذة
كل واحد فينا له ستايله وأي واحد فينا له ميزة
في اللي بيعجب واللي ما يعجب
واللي ما عاجبه ياخد ڤيزا

music video

Your name will be published. Leave fields blanks to remain anonymous.